'U pisce chi sta 'nfunno 'o mare

Io sugno sutta a stu scogghio e vio sta gente srana chi mi talia cu sti cose curiuse mise 'ntallocchie.

Pinso subito: "Iddre sunno i scorfani! E quanto malusangu fanno pi respirare como ammìa!". 

Arrestano sempre alluccute quanno mi virino. Mi ettano u pane pi farime manciare e poi cu sta ranfa srana - na cosa longa longa, attipo i razza ri purpe ma chiù longa assai - cercano di tuccarime. Io virenno sta cosa chi mi s'avvicina minni scappu, scantato morto ri chissa. M'ammuccio ntà na tana e ca cura ri l'occhio mi talio inturno. Quannu vio chi chisse s'alluntanano iò ripigghio a natare, ma pu scanto mi vaio orro orro.

Ciù va cunto 'mprima ae nichi: "Picciriddre mei, accurate addr'armali chi si trovano a pilo r'acqua, un sunno a stessa razza nosra: cercano ri pigghiarine pi fissa, occhio vivo m'arraccumanno! Facitive beddri sperti!"